25 წლის ვარ, ჩემი შეყვარებული 26-ის. რჩევა მჭირდება, რადგან თავს დაბნეულად და ემოციურად გამოფიტულად ვგრძნობ. ჩვენს შორის საქმე საკმაოდ გართულდა და მიჭირს გავარჩიო, სიტუაციას ნათლად ვხედავ თუ უბრალოდ წყენიდან გამომდინარე ვრეაგირებ.
კონტექსტისთვის: ურთიერთობის სულ საწყის ეტაპზე მან მიღალატა თავის ექსთან. ჯერ კიდევ ერთმანეთს ვეცნობოდით და „მიყვარხარ" ნათქვამიც არ გვქონდა. ძალიან მეწყინა, მაგრამ ვაპატიე, რადგან ურთიერთობა მაშინ ჯერ სერიოზული არ იყო. მას შემდეგ, რაც ერთმანეთს სიყვარული ავუხსენით, მან ის გოგო სრულად გააქრო ცხოვრებიდან.
მას შემდეგ რამდენიმე მომენტი ყოფილა რომელიც უცნაურად მომეჩვენა. მაგალითად: ერთხელ კლუბში გოგოს ნომერი მისცა და მეორე დღეს, როცა ერთად ვიყავით, ამ გოგომ დაურეკა. მითხრა, რომ თანამშრომელი იყო ეგ გოგო მსახიობია, მისი საქმე კი საჯარო პროფილების მქონე ადამიანებთან კონტაქტს და ბიზნესის პოპულარიზაციას უკავშირდება. ვაპატიე, თუმცა გონებაში მაინც დამრჩა.
ბოლოს კიდევ რაღაც აღმოვაჩინე, რამაც ძაან ამაფორიაქა. ვთხოვე, Plato ჩამოეტვირთა, რომ ერთად გვეთამაშა. ამის ნაცვლად, ის ამ აპლიკაციით უცხო ხალხთან თამაშობს. ეს თავისთავად არ მაწუხებს, კაცებიც და ქალებიც. მაგრამ შევნიშნე, რომ ქალებთან ბევრად უფრო პირადულ საუბრები აქვს: ეკითხება რამდენი წლისაა, საიდან არის, მოდელია თუ არა და ა.შ. კიდევ უფრო მეტად იმან შემაწუხა, რო მის ტელეფონში ამ გოგოების პროფილების სქრინშოტები ვიპოვე, სადაც მათი ინსტაგრამის მისამართები და ფოტოები ჩანდა.
ცალ-ცალკე იქნებ ეს დიდ რამედ არც ჟღერდეს. მაგრამ როცა ამ ყველაფერს საწყის ღალატსა და სხვა მომენტებს ვუმატებ, თავს დაუცველად და მოუსვენრად ვგრძნობ. როცა ეს თემა წამოვწიე, დიდი ჩხუბი ატყდა.
არ მინდა ვინმემ მითხრას, ვინ არის ცუდი ადამიანი. გულწრფელად მინდა რჩევა მათგან, ვისაც ურთიერთობების გამოცდილება აქვს: აშკარა სამშვიდობო ნიშნებს ვაყენებ ვერ ვამჩნევ იმიტომ, რომ მიყვარს, თუ წარსულმა წყენამ შეიძლება ამ ყველაფრის სხვაგვარად აღქმა მაიძულოს? თქვენ როგორ მოიქცეოდით?
1 კომენტარი
პასუხი